تمكنت قوات حرس الحدود المصرية على شاطئ البحر المتوسط بمدينة السلوم، أمس الأحد، من إحباط محاولة لتهريب شحنة كبيرة من الأسلحة من ليبيا على متن أحد اللنشات، بعد أن تخلص منها المهربون شرق مدينة السلوم، عندما فاجأتهم قوات حرس الحدود ولاذوا بالفرار فى عرض البحر.
تم حصر المضبوطات، وهى عبارة عن 9 بندقية قناصة 34 بندقية آلية و2 رشاش برتا 9 مللى، إضافة إلى 38 خزنة طلقات للأسلحة المضبوطة، والتحفظ عليها وعرضها على نيابة السلوم العسكرية للتحقيق وسجلت القضية تحت رقم 111 لسنة 2011 جنايات السلوم، تمهيدا لإحالتها إلى نيابة مطروح العسكرية للتحقيق وإصدار قرارها بشأن المضبوطات.
http://www.egyptpolice.org/%D8%A5%D8%AD%D8%A8%D8%A7%D8%B7-%D9%85%D8%AD%D8%A7%D9%88%D9%84%D8%A9-%D9%84%D8%AA%D9%87%D8%B1%D9%8A%D8%A8-45-%D8%A8%D9%86%D8%AF%D9%82%D9%8A%D8%A9-%D8%A2%D9%84%D9%8A%D8%A9-%D9%85%D9%86/
في يوم 14 ديسمبر نشرت صحيفة الوفد تصريح لعمر عفيفي مفاده الاستعداد لثورة غضب ثانية جاء فيها:
وعد العقيد عمر عفيفي بالإعلان قريبا عن “كيفية التكوين والتجميع وطرق الاتصال، معتبرا أن ” 100 رجل منظمين مؤمنين بأنهم مؤيدون بالحق أقوي من مليون رجل غير منظمين “.
وطالب شباب الفيسبوك بالعمل على “النشر على الانترنت وفي كل المواقع لنصل لأكبر عدد ممكن ، وبعدها ننتقل للمرحلة الثانية وهي التواصل للشعب المباشر، ثم البدء في إنشاء المجموعات وتوزيع المهام، ثم التدريب على تنفيذها ساعة الصفر العظيمة”.
هل تتشابه كلمات عفيفي و فرق البلطجية مع السرية التي اكتشفناها و أعمالهم ؟؟
للاطلاع علي رسالة عمر عفيفي اضغط هنا
وفي نفس السياق ده بيان لالتراس ميادين التحرير بيهدد بثورة غير سلمية على المجلس العسكرى يوم 25/1/2012 و 6 ابريل تقوم بالتحضير لهذا اليوم و اعضاء من داخل الحركة اكدوا وجود اسلحة لدى الحركة واسماء محفوظ ونوارة نجم والبرادعى يحضرون لهذا من خارج مصر الان ويتلقى التعليمات الجديدة كلا منهم على طريقتة لهدم الدولة والسيطرة على مصر وتحضير مصر وتسلمها الى امريكا من الحدود الغربية واسرائيل من الجهة الشرقية لتقسيم مصر الى 4 دول لا تشكل تهديدا الى اسرائيل مرة اخرى سوف يكون 25 القادم ثورة ضد المجلس العسكرى وسوف يحاولون اقتحام مبنى وزارة الدفاع و الداخلية و مبنى الاذاعة و التليفزيون ويعلنون عن مجلس انتقالى مدنى للدولة من ماسبيرو يعترف به الغرب …………………..ماذا سنفعل؟؟
شخص آخر على التويتر يقول : احنا عايزين نولع عشان نوقع الانتخابات
و نفس الشخص المسمى محمد عز الدين يقول (شاهد بنفسك كلامه من أكونت تويتر الخاص به مع اعتذاري للألفاظ السيئة) :
و شخص آخر يقول :
و آخر يقول :
الفوضى هي الحل الأناركية هي السبيل الدم هو الخلاص !!!!!!!!!!!!!!!!!!!!
ما هي الأناركية ببساطة هي فكر سياسي لا يعترف بسلطات الدولة و يرفض وجود دولة (لا سلطوية – لا دولة)
تم حدوث موقعة الحواوشي و فيها قام المعتصمين باتهام المجلس العسكري بتسميم الثوار .. بعد ذلك أظهرت كاميرات المراقبة الموجودة حول مبنى مجلس الشعب السيدة التي وزعت الحواوشي المسمم على المتظاهرين و تم عرضه على بعض القنوات الفضائية و يظهر أن الثوار يعرفون تلك السيدة و هي تنقل لهم كميات من البضائع (طعام غالباً) و لا يرتاب منها أحد و يتعاملون معها بطلاقة تامة و هو ما يؤكد أنهم على صلة بها و يعرفونها حيث أنها لم تتعرض للتفتيش و شاهد الفيديو و احكم بنفسك
في أحداث الخميس مساءاً تم تكسير جميع الكاميرات حول المنشآت الهامة
في فجر يوم الجمعة تم الهجوم على مجلس الشعب و الشورى و التصعيد و كانت قصة الثوار أنهم كانوا يلعبون الكرة ثم وقعت داخل المبنى ثم قفز أحد المعتصمين داخل حدود السور فقام ظابط بضربه و التعدي عليه و هو ما أشعل الموقف !!!!!!
في الواقع هذه قصة لا يصدقها طفل ذو أربع سنوات فبعد مشاهدة التويتات و الأفكار السابقة لا يمكن أن تكون هذه الحدوتة حقيقية أو حتى منطقية و لو حتى هي حقيقية فما الداعي للعب الكرة في البرد بعد منتصف الليل أمام مجلس الشعب !!!!!!!!!!!!!!
من هو ( الثائر ) عبودى الذى يغنى له اعلام مصر الفاسد :
……………………………………………………………
اليس غريبا ان يكون الشاب عبودى الذى اطلق شرارة الاحداث فى شارع مجلس الشعب هو نجل (ابراهيم العبودى ) نائب الحزب الوطنى بمجلس الشعب فى دورتى 2005 و 2010 و الخارج لتوه من خسارة مدوية فى انتخابات المرحلة الاولى….الدلالة تحكى كل شئ لمن اراد ان يفهم و يعى ثم ….ثم يصمت !!!…….ثم قالوا أن السبب هو ضرب الجيش للعبودي ضرب مبرح و تجد هنا حوار بين بعض ممن لديهم ضمير و يقولون أن عبودي شتم الظابط و أن ضرب الطوب بدأ من عند الثوار و استفزوا الظباط فحدث الاشتباك و الضرب :
يمكنك مشاهدة نموذج لما كان يحدث يوم الجمعة مساءاً من بث مباشر على هذه القناة (تجد شباب صغيرعذراً يلبس الفانلة الداخلية يقوم بإلقاء الطوب نحو مبنى مجلس الشعب و الشورى و شباب كذلك يبدو محترم المظهر يقذف طوب أيضاً و تجد البعض يتسلقون أسوار المبنى و زجاجات مولوتوف يلقيها الثوار و بعض الحرائق المتفرقة) :
في السادسة و النصف فجرا نقلت اليوم السابع حريق بمجلس الشورى و صور لبعض انتهاكات “الثوار” :
حريق في سيارة بين الجمعية الجيولوجية ومجلس الشوري :
احتراق الهيئة العامة للطرق والكبارى والنقل البرى، المبنى الملاصق لمجلس الشورى:
الثوار معاهم غنائم من بنادق و ذخائر و خوذات الأمن المركزي !!!!!!
الثوار يتناقشون و يتساءلون ما العمل حيث أن الشرطة لا تستفز و لا تتجرجر في استدراجاتهم
(هم يريدون حدوث احتكاك بينهم و بين الشرطة و المجلس حتى يغضب الناس و تنفجر الجماهير و تقوم ثورة أخرى و يحدث الخراب).
أحد النشطاء على التويتر يعترف أن الجيش صابر عليهم :
لاحظ عدم وجود أي عناصر من الشرطة و الجيش الأفراد كانوا فقط بداخل مجلس الشورى في جهة معينة و تركوا الثوار يحرقوا كل شئ حتى لا يحدث احتكاك !!!
لا تعليق !!!!!!
ليلة الجمعة 16 فبراير 2011 قبل الفجر تم رصد قائد لأحد فرق البلطجية على أكونت التويتر الخاص به و هو يحمل اسم : سرية بدر.
و هذا الشخص يتداول عدة رسائل مشفرة نصها : س1 س2 مج ق ساطع سرعة التجهيز للنزول قبل الاشتباك الفعلي
في الصورة عدد من الرسائل المشفرة التي تداولها هذا الشخص : سرية بدر أولاً ثم نشرها باقي النشطاء على التويتر.
http://www.egyptpolice.org/%D8%B4%D9%81%D8%B1%D8%A7%D8%AA-%D8%A7%D9%84%D8%AA%D8%AC%D9%85%D8%B9-%D9%88%D8%A7%D9%84%D8%A7%D9%88%D8%A7%D9%85%D8%B1-%D9%88%D8%A7%D9%84%D8%AA%D8%AD%D8%B1%D9%83%D8%A7%D8%AA/
انتشرت صورة بين نشطاء التويتر لفتاة ادعوا أن الجيش يضربها و بالبحث وجدنا أن الصورة تم التقاطها بالمغرب بتاريخ 31 مارس 2011 و الصورة الأصلية على الرابط :
الصورة المنقولة من المغرب و لاحظ أن البلاط في الشارع غير متواجد في مصر كما أن درع الجيش مكتوب عليه القوات المساعدة.
تم رفع صور لشخص يحمل نبلة و بلي على أحد أكونتات نشاء التويتر.
لاحظ أن قائد سرية بدر يطلب من متابعيه إحضار نبلة و عدة الاشتباك و ملابس ثقيلة !!!!
هل من الممكن أن يتم التنشين بهذه الأدوات و إصابة العيون ؟؟؟
و ما هي عدة الاشتباك ؟؟؟ في الغالب تكون حقيبة خلف الظهر فيها كل شئ من مولوتوف و خلافه و يكون هذا هو مظهر هؤلاء الشباب المدرب و الذي يختلف عن البلطجية (و هذه صورة من أحداث يناير نقلتها للتوضيح فقط)
بعد ذلك نشرت جريدة اليوم السابع صورة لسيدة منتقبة يضربها الجيش :
و لنا عدة ملاحظات :
1. أين وجه السيدة ؟
2. لماذا يضرب الجندي على اليسار الشجرة !!
3. لماذا يضرب الجندي خلف السيدة الحائط !!!
4. ماذا يأخذ الجندي من الأرض و لا يوجد شئ في حجم قبضة يده !!!
5. أين هذا الحائط في مصر ؟؟؟
من الواضح أن الصورة متركبة و تم إدخال عدة عناصر متناقضة في صورة واحدة.
في الواقع إن السيدة المنتقبة قامت بالاتصال بأحمد المسلماني و أخبرته أن الجيش شدها من شعرها !!! كيف وصل الجيش لشعرها و هي منتقبة ؟ و لماذا لم تصورها الكاميرات التي لم تستطيع حتى تصوير وجهها !!!
سقط الشيخ عماد عفت ضحية بين الثوار (رحمة الله عليه) و قال كابتن خالد يسرى مؤسس ائتلاف “كلنا مصر”: إن هناك عناصر مندسة هى من أطلقت النار على المتظاهرين خلال أحداث مجلس الوزراء أمس و التى راح ضحيتها عدد من القتلى، وعشرات المصابين.
وروى يسرى وهو شاهد عيان على تلك الأحداث شهادته فى لقاء مع الإعلامي صبرى السمالوطى فى برنامج “صفحة الرياضة” على قناة النيل للرياضة مساء السبت قائلا: إن الشيخ عماد عفت أمين دار الإفتاء المصرية الذى استشهد أمس كان واقفا أمامه عندما فوجئ بسقوطه واثنين آخرين على الأرض، وقال إنه تم حمل الضحايا الثلاث إلى أقرب مستتشفى ميدانى بالمنطقة، وفوجئنا بأن الشيخ عماد لقى مصرعه برصاصة فى الظهر، وأن الضحيتين الأخريين أحدهما قتل برصاصة فى جانبه، والآخر فى بطنه.
وأكد أنه لم يسمع صوت رصاص باتجاه الضحايا رغم أنه كان خلفهم بأمتار قليلة، وقال: إنه يتوقع أنهم أصيبوا برصاص تم إطلاقه من مسدس كاتم للصوت من قبل مندسين وسط المتظاهرين.
وأشار إلى أن هناك أحد الأشخاص قتل برصاصة اخترقت رأسه من الخلف، وقال: إنه لا يمكن أن تكون هذه الرصاصة أطلقت من قوات الجيش التى كانت متمركزة أعلى المبانى المحيطة بالمنطقة.
الرصاصة دخلت من أعلى جانب الشيخ الأيسر رحمه الله و هو ما يؤكد قرب التصويب و كونه في مستوى الأرض.
في 2 ديسمبر نوارة نجم: لو أردنا اقتحام “الداخلية” لفعلنا ذلك فى ربع ساعة
في يوم 5 ديسمبر إحباط محاولة لتهريب 45 بندقية آلية من ليبيا
ليلة الجمعة 16 ديسمبرس = سريه ك = كتيبه ف = فصيله 10 و 6 =شوارع مج= مجميع(شفرات التجمع والاوامر والتحركات للمتظاهرين)
في 16 ديسمبرانذار أخير ! بيان حركة شباب 6 ابريل ردا على ما حدث فى فض اعتصام مجلس الوزراء
انا شوفت الضرب بعيني بجد لو اللي بتضربوهم صهاينة مش هتضربوهم بالافترى ده-حسبي الله ونعم الوكيل فيكم
اتحدى عسكري شرطة او جيش يكون ضرب الجاسوس الاسرائيلي على قفاه ولا حتى يشتمه مع انه جاسوس-بس انتوا بتحتقروا الشعب ده وماعندكوش غير منطق واحد اما تركبوا الشعب واما لو الشعب ثار على الظلم يبقى عايز يركبكم مفيش حاجة عندكم اسمها انسانية الله يرحمك يا لواء البطران ويعين الشرفاء اللي زيك يرحمونا من الفساد اللي بقى في كل جحر في البلد-ومهما يطول الليل هيطلع الفجر بعون الله-وتحية خالصة الى كل ظابط شرطة وجيش شريف لا يرضى عن هذه المهازل والمجازر
يا استاذ مجدى ضباط الجيش و الشرطة هم جزء لا يتجزاء من هذا الشعب , انما للاسف امثال حضرتكم ( و هذا ان كنت فاعلا او مشاركا او حتى مشجعا ) هو من يجلب العار لهذا الوطن بان يحرقه بيده و يجاهد من اجل هدم كيان دولة و هو لم يحدث لمصر على مر العصور من ايام الفراعنة و حتى اليوم
حتى هذه اللحظة للاسف ما يوخذ على القيادة السياسية و العسكرية انها تتبع ضبط النفس مع امثال من يهددون امن هذا الوطن و يلعبون يه كما لو كانوا يلعبون بكور من نار
فصدقنى لن تحرق الا انفسهم فى النهاية و لكم فى من اخذه الله حرقا و هو يحاول ان يحرق فى هذا الوطن اسوة فخذوا مما حدث عظة و الا القادم على مصر اسواء بكثير مما سبق
انا عارف انكم مش هتنشروا تعليقي بس مش مشكلة المهم اني قولت اللي في قلبي
مش مقتنع بالكلام ده … إستخدام عدة عناصر و معلومات مش مؤكدة و أخرى مغلوطه أصلا لإقناع الناس بماذا !!
- تويتر مبيدخلش علية بلطجيه.. ولو علية ناس متأمرة و كتائب و فصائل و متسابين ده مسؤولية مين !
- الست المنقبه ليها أكتر من صورة تانيه بوشها و بشعرها بعد الضرب و السحل إللى إتعرضت ليه فى الصورة إللى إنتم جايبنها و فيه فيديوهات كمان ليها بس إنتو مش عايزين غير الصورة ده عشان هتعرفوا تقولو إنها كدابه و إنها كمان متفبركه !
- الصورة إللى من المغرب (متشكرين على المعلومه) بس فى كتير غيرها فى مصر زى الست العجوزة إللى فى فيديو بتنضرب و البنت إللى إنضربت و إتسحلت و قلعوها .. بس برضه إنتوا إختارتو الصورة الوحيده إللى مش فى مصر عشان هتعرفوا تقولوا عليها كلام يتناسب مع فكرتكم عمتاً إللى زى ما قولت مبنية على باطل.
كفاية تضليل قي الناس و ارحمونا من الكدب بتاعكوا شوية
ربنا يوفقكم
انا مصدقكم و بقول ربنا ينصر الحق . اصبرو و صابروا علشان مصر , الصبر ايوا صعب بس ده الحل الوحيد …….. اللهم انصر الحق و ارزقنا اتباعه و اهزم الباطل و ارزقنا اجتنابه
كفاية فتن و كفاية كسر لهيبة الدولة إذا أخطأ المجلس فنحن من أخطأنا
إيه !!!!!!! كل واحد يشوف ظابط يقبض عليه … هو انتم مجانين ؟؟؟؟؟؟؟
ممكن وزارة الداخلية و الجيش يعتقلوا كل حركة 6 إبريل و أي حركة تانية بتحاول تدمر مصر ….
حسبي الله و نعم الوكيل
هو ده الشغل ولا بلاش ياريت تستمروا علشان الناس تفهم وأظن ان لديكم الامكانيات لتوضيح كل صوره مفبركه لان الناس بتتأثر بسرعه وبتصدق اى شئ سيئ …………….. ربنا يوفقكم
rabna ma3ko ya rab wa edrbo ba edd men 7aded wa el sha3b kolo ma3ko wa mayhmkomsh men el legan el elctronya deh ma3rofa
هوا ده بقى الى المفروض القنوات الى قاعده تسخن وبس تقوله
بجد باينه قوى ان فى حد مخطط كويس قوى
وع فكره فى ناس متظهره فعلا وبتحب مصر
بس الناس ديه كلها مابتنزلش الا لما يطلع شويه صور ع شويه فيديو فيه الجيش او الشرطه بتضرب المتظاهر
عشان بيخربوها ويقعدوا ع تلها
وفى حاجه مهمه قوى فين بقى المخابرات المصريه الى المفروض تحقق هيا بقى وتشوف الكلاب دول شغالين لحساب مين
ياعنى مثلا تم القبض ع فلان الفلانى وهوا بيهرب اسلحه
طلعه فى التلفزيون وخليه يقول ع كل حاجه قدام الناس كلها
وشكرى العميق للى عمل الموضوع
انت كداب ومنافق ومن فلول النظام وكلامك انا مش مقتنع بيه اساسا يسقط يسقط حكم العسكر
والله العظيم كلامك مفيهوش ذرة واحدة من الصدق وكلو تاليف وافتراء يعني هما الثوار بيموتو بعض والجيش والشرطة مسالمين اقولك ايه اصلك لو اخوك او صاحبك مات مكنتش هتقول كدا ولو اختك اللي اتضربت واتسحلت كنت هتنفجر من الغضب بس انت انسان معندوش انتماء اصلا والله عيب عليك دا انت اانا مش عاوز اشتمك عشان انا محترم واحسن منك ياجبان
أولا صباح الخير
ثانيا أقولكم 1- انتم من المفروض تعينوا مخرجين و كاتبين سيناريو شطار لان كده شم صح عليكم مش معقول حكاوي العيال دي شوية هبل أطفال شوارع و اقفين يخربوا و جنبهم الثوار واقفين تروحوا بقدرة قادر تقولوا كلهم بلطجية . ينفع يعني نقول ان الظباط المتهمين بقتل الثوارالشرطة كلها قتالين قتلة هل دا يجوز. عدل ربنا دا حرام يبقي سيبوكم من النغمة دي
2- الشرطة مظلومة بجد ليه؟ لانها مش عارفة تتخلص من عقدة ظباط أمن الدولة القدام اللي كانوا و مازالو مبوظين سمعتها و هم سبب نكسة مصر. شرفاء الشرطة كتييييييييييييييييييييييير بس شوية ناس فيها زي ما قلت هم اللي هيودوا البلد في داهية عارفين ليه. كل مايقرب مجلس شعب جديد و يكون ليه سلطات يروحوا مهيجيين الدنيا خايفين من سلطة عادلة تيجي تطيح بيهم و تعاقبهم و الشرفاء منكم دائما متفرجين و لو نطقوا بسرعة تشيلوهم تنقلوهم تطهدوهم الي اخره و الامثلة كتيييييييييييييييييييير يبقي من مصلحتهم توليع الدنيا و لا تنسوا المرء علي دين خليله فالينظر احدكم من يخالل
3- عمالين تقولوا بنشتغل بنشتغل طيب ماشي فين يا عم الشغل قبضتوا علي البلطجية الكبار اللي مسرحين العيال دي لا طبعا. طيب عملتم ايه ولا حاجة اختفاء تام ثم محاولة عودة ثم عودة منظر الشرطة و ليس فعلها
4- طيب كل ده ليه و اللي بيحصل الان ليه هو محاولة فاشلة كالعادة لاجهاض الثورة و انتم لحد دلوقتي مش فاهمين خالص اي حاجة الثورة دي زي مابقول فيها شئ لله كل ما واحد ابن حلال عاوز يكسرها تقوم من تاني و تكون اقوي
5- ايه الخيابة دي الست اللي جايبة الحواوشي مش عارف ايه / يا عم انت و هو هاتوا كاتب سيناريو جديد انا خالي مالوش في السياسة و ساكن في مسط البلد قبل الاحداث خد 4 شنط سندوتشات جبنة و فول و حلاوة و طعمية و راح سابهم عند البوابة بدون ما حد يسأله انت مين و الناس كلها شكرته و كمان و هو رايح الاسماعيلية من الصحراوي كان بيشوف الظباط واقفين في كمين عارفه كان دايما بيجيبلهم ميه و يديهالهم و ساعات اي بسكوت و علي العلم محدش من الظباط و لا العساكر كان بيقوله انت مين و لا بتعمل كده ليه و علي فكره بمناسبة الشغل الجميل بتاعكم كان راجع الجمعة و امبارح علشان شغلة الكمين مفيهوش حد خالص في المرتين وده الكمين الرئيسي برافو علي الشغل
6- موضوع الظابط بتاع الشرطة الاهبل ده بتاع امريكا اللي بتقولوا عليه معلش مصر مقدمة خمسين طلب للانتربول طالبة مجرمين من النظام السابق و للاسف مبيجوش طبعا و انتم مفكرتوش تقولوله بخ حتي امال فيه ايه انتم سايبينه ليه و لا ده كرت علشان السيناريو
7- اسلحة من ليبيا و من كل حته داخلة مصر طيب شوفوا شغلكم و الاهم شوفوا الكبار اللي بيقوموا بده عارف انكم بتقوموا بدوركم في الموضوع ده من خلال قراءاتي عن نشاطكم بصراحة دي مش مقصريين طيب بس الكبار و اللي وراهم فين و الدول اللي بتسعي لخراب بلدنا مين الكلاب دول
8- نوارة نجم بتقول كذا يا أخي عيب كده ماتقول اللي بتقوله ما انا لو واقف مكانها و ابويا اتعذب في سجون النظام زي ابوها و لا شفت بعينايا ناس ماتت جنبي و السبب ظابط واحد و ماتمسكش و للاسف اترقي ها اقول كده و اكتر ايه ياجماعة انتم مش مصريين و دمكم حامي و لا ايه طيب و موضوع ضرب الستات هو في ايه ايه السادية دي ليه كده اللي بيعمله الجيش للأسف مشفتش كده منكم زي ما شفت من الجيش خلال اليومين اللي فاتم الستتات عوراتنا ترضي امك و لا امي تكون في اعتصام بلاش اعتصام علشان مفيش ابن حد فيكم مات علي ايد حد و الحمد لله تقبل تكون ماشية و واحد ايا كان يضربها او يهينها و لو هي عاملة بلاوي الدنيا مش المفروض يطبق عليها القانون و بس و لا ايه
9- سيبوكم من تمييع القواضي و خلونا في الحلول مش ممكن اكون شايف بعيني و تقولي لا محصلش حجة بايخة للأسف حجة عيل قليل الحيلة انتم عاوزين مصر و لا لأ عاوزين خير البلد و لالأ الثورة قامت علشان الكل اذا كنت انت دلوقتي قيادة في مكان ما جيش او شرطة و معاك فلوس الدنيا كلها تقبل ان حد من احفاد احفادك بعد موتك يعيش في وطن بدون كرامة لو فلوسه راحت و ده ممكن و يخش تعليم يطلع منه اغبي من قبل دخوله و لا يتعالج في مستشفيات بسم مش دوا بتاع بني ادميين ايه رايكم هل الثورة قامت علشان نوزع الادوار تموت الحزب الوطني و تخلق واحد زيه جديد و لا قامت علشان العدل المفقود لازم ترد بينك و بين نفسك
10- موضوع المؤامرات مفيش بلد كبيرة بتتساب من الدول اللي حواليها طيب دي وظيفة مين؟ طبعا مش وظيفتي و لا بتاعتكم دي بتاعت اجهزة معلومات و قضاء علشان اليسناريو الضعيف ده المصيبة لا تكون دي طريقة تفكيركم في القيام بواجبكم تبقي مصيبة
11- عمري ما بشكك في و طنيتكم و لا وطنية جيش بلدي حتي لو ايه حصل لكن مصر مقهورة مكسورة الان عاوزة و لو واحد بس يقوم بدوره مصر بتقولكم انا مجروحة الحقوني و للأسف كتير من الكبار مش فاهميين
12- بتحبوا مصر يا داخلية عارف مشكلتكم انكم بينكم و بين الثورة طار شخصي مع انها قامت علشان الكل طيب الحل حاولوا تكونوا صح اكتر التزموا بواجبكم اكتر حبوا مصر و ناسها اكتر الفظوا الغير طيبين من وسطكم المشكلة انكم جهاز وطني ما ينفعش يكون فيه واحد فاسد أو مش بيحب البلد و ناسها . العمر محدش بيعرف اخره امتي الا رب العالمين سبحانه ارجعوا للحق و سيبوكم من الطار و ابدأوا نضفو البلد من الحرامية الكبار و البلطجية و كمان تجار الدين اللي ملفاتهم كانت منورة امن الدولة و كانت مشغلاهم لحسابها و دلوقتي هم عاملين زي كورة النار سارحة في غيط قش للأسف اللي سابها بيقول خليها تولع بس بقوله هتطولك النار هاتطولك و انت مش مهم بس لما هاتشوف النار ماسكة في حد من أهلك ساعتها هاتحس بالحصرة ربنا يستر
13- الجيش دورك و انت عارفة و نفس الكلام انت جيش وطني مخلص دمك و روحك سابقة جسمك للحرب بس ضد اسرائيل هي العدو مش ستات و ثوار مصر
14- أأأأأأأأأأأأأأأأأأأأسف للأطالة و أأأأأأأأأأأأسف لو قلت كلمة تجرح أو تزعل حد لأن عمري مش ملكي و قصدي من كلامي الخير لمصر
مصر ما بتتكسرش مصر مش بتقبل القسمة علي اتنين مصر هي بلدنا كلنا لازم الغشاوة تسقط من علي عينينا كلنا كلنا بعد الاربعين بنحس بقرب الاجل مهما طال العمر ربنا يجعلنا كلنا نقول الخير و نعمله ساعيين لما عند الله و اعلموا ان الدنيا سجن المؤمن و جنة الكافر فأتمني أن يقرأ كلامي اي حد و يغير فكره و يصحح عمله و يحاول انه يبتدي من الاول و لو بالنية و يحاول تغيير السئ من حوله و يكون مثل النور يذهب دائما الظلام لا تنسوا مصر لا تنسو مصر
15- أخر شئ مصر علي مر العصور مافيش حد غيرها هي هي و قال تعالي ادخلوا مصر ان شاء الله امنين صدق الله العظيم
يعني هي باقية الي قيام الساعة اسأل العلي القدير ان ينصر الحق و يزهق الباطل و ان يظهر الحق علي الباطل سريعا
بحبك يا مصر أمير
ثالثا
أرحمونا من القصص الحمضانة والأفلام الهابضة بتاعتكو دي إحنا شوفنا بعنينا مش محتاجين حد يقول لنا . إتقوا الله
ياناس اتقوا الله والله العظيم هاتوت وتقابلو ربنا والله العظيم هاتتحسبوا زالله العظيم هاتتحسبوا .. عن كل كلمه وضربه ودم مش هاينفعكم سعتها حد اتقوا الله يابوليس ملوش غير في التهيس
بجد اللى عند مجلس الوزراء دول ماجورين و صفوة الخونه و انا بادعوا الشرفاء عدم النزول لهم حتى يتم تطهير مصر منهم
الف شكر علي المجهوذ العظيم دهوان شاء الله ربنا هيحمينا من الظالم والمفتري والمنافقين والللي عايزين يوقعوا مصر
احنا ليه كل مناس تتعب وتجيب حاجه عوزه توريكو الحقائق نقول انا مش مقتنع الحاجات دى تضليل حرام عليكو والفلام الى انتو حفظتها دلوقتى يا شويت بهايم انا اسف المجمع العالمى ولع انا لو مكان الجيش او الشرطه مش هضربو زاى ما بضرب اسرئيلي انا هولع فيها لئن الاسرئيلى لو عمال كده فا هو فى الاصل عدوى لكن انت ابو 100 جنيه هتولع فى البلد وتفعل الفوضه حسبي الله ونعمه الوكيل
دول شويه بهايم مهما تقولهم الحقيقه برده بهايم ويعرضوا فيك انا بجد زهقنا من الناس المغيبه دى ببجد حرام مصر بضيع يا شويه جبناء تعرف انا نفسى كل تعليق من الكلاب دول ارد عليه وافهمه بس للاسف دول الكلاب كترت اليومين دول ومصر مش هتلاحق عليهم من الهبهبه بتاعتهم لانهم كلاب عميله لا ينتموا للوطن بصله
اقولكو على حاجه انتو الى زيكو المفروض يعيش جاهل زاى مانتو عياشين انتو الى يقداركو يوتعب علشان يعمال حاجه فى البلد هتعوده تقوله تضليل فككو بقا كافيه انتو تضليل
اكيد انا عارف ان كل كلام الشرطة مضبوط وانا شفت كل الادلة بتاعتكم دى كلها واحدة واحدة فى توقيتاتها تماما وهى منتشرة على كل الفيس والتويتر للى عايز يعرف الحقيقة … اما اللى بيدخل علشان يهاجم الشرطة وبس …….. نقوله .. مشى الشرطة ومشى الجيش .. وورينا ازاى تعرف تعيش ……. بالتاكيد فيه شباب كتير بلا اى خلفية .. لا ثقافية ولا تاريخية … واعتقد كمان فقدوا الوطنية …
يا شرطتنا العظيمة ويا جيشنا البطل .. احنا عارفين عن المؤامرة وبداياتها وخطة النهاية با احراق البلد وسقوطها للابد .. يمكن اكتر 100 مرة من اللى انتم كاتبينه ده .. المهم .. متى نبيد العملاء … صدقونى هى حرب ابادة … اما ان نبيدهم نحن وننقذ مصر وشعبها من المؤامرة … او يحرقون هم مصر ويتركون الشعب يذبح بعضه بنظام قانون الغابة ( البقاء للأقوى ) وطبعا البلطجية هم الاقوى … يعنى كده اسياد البلد بعد كده ها يبقى البلطجية ؟؟؟؟؟؟؟؟ يا ترى الجيش والبوليس فاهمين ده والا لسه ؟؟ لا تقلقوا معظم الشعب الشريف بالكامل معكم ومستعد لحمل السلاح معكم دفاعا عن مصر …بس امسكوا عملاء امريكا قبل ما يخربوها فعلا … وعلى فكرة الاخوان على نفس الخط مع دول وهدفهم سقوط العسكرى ليتحكموا فى البلد كيفما يشاؤون … انا دارس وعارف تاريخ الاخوان الاسود والدموى ايضا
بسم الله الرحمن الرحيم مع احترامى لهذا التحليل الذى لا أستبعده مطلقا بل على العكس فإنى أعلم و بشكل مباشر أن تسمم المعتصمين ليس حقيقيا و من أطباء الطوارىء فى قصر العينى و الذين لم تنشر شهادتهم بصدق من الصحافة و لكنى أعلم أيضا و بشكل مباشر أن الشرطة العسكرية اخذت أحد أطباء المستشفى الميدانى من تحت بيته الى مجلس الوزراء و سحلوه ضربا و أخذوا منه كل ما يثبت شخصيته و قالوا و له ابعد عن التحرير. و أعلم يقينا أن هناك شهداء و مصابين و مبنى له قيمة تاريخية احترق أمام المطافىء التى لو فتحت المياه من مكانها لأطفئت النيران….فلو افترضت حسن نية المجلس العسكرى و الشرطة فلن يعفيهم من مسئولييتهم المباشرة عن الشهداء و الفوضى فهم فى موقف الحاكم المسئول عن كل صغيرة و كبيرة وان لم يكن الفاعل والا عفونا عن مبارك و لا نحاكمه على قتل المتظاهرين…سيدى أن كان من امامى مخطىء فإما أوثق خطأه و لا أتركه يعيث فى الأرض فسادا و أواجه العالم كله أو أمنعه اذا بدأ و لاأعطى له فرصة أن يديننى و هذا أضعف الايمان…والله أعلم
ا
يا جدعان حد يقولنا الفيلم ده هينزل امتى فى السيما
برضه فى احداث محمد محمود شوفت تويتات لنفس الناس دى و هى بتتأمر على ضرب القوات و افساد الهدنه و اشعال الموقف- لما انتو عارفينهم سايبنهم ليه؟؟؟ و بعدين فى احداث السفاره الاسرائيليه اتقال ان رجل اعمال استضاف البلطجيه فى فيلته عالمريوطيه و ادى كل واحد 5000 جنيه لاقتحام السفاره – فين الراجل دا ؟؟ ما اتعدمش ليه؟؟ و برضه فى محمد محمود اتقال ان ممدوح حمزه مأجر بلطجيه عشان يقتحموا الداخليه – الله اعلم الكلام دا صح ولا غلط بس انتو دوركم فين – لما انتو عارفين الايدى الخفيه زى ما بيتقال و سايبنها يبقى انتو مشتركين معاها فى الفعل – لو انتو متأكدين من انهم خونه و مـامرين و مش عارفين تمسكوا عليهم دليل عشان تحاكموهم – اغتالوهم
انتم العملاء و البلطجيه … اتقوا الله فان نهايتكم اقتربت … دم المصريين لن يذهب هدرا
لما الشعب وقف ضد اسرائيل لقتل جنود الجيش المصرى و وقفوا امام السفارة الاسرائيلية لذا عرفت اسرائيل ان اهم خطوة هى تدمير العلاقة بينهما و هذا كان سهلا عن طريق الظباط المرتشين فى الجيش الذين قاموا بالاحداث السابقة و الهدف هو ان تتحول مصر الى سوريا حرب بين الجيش و الشعب و فى النهاية ترد اسرائيل القلم الصفعة التى اخذتها فى حرب اكتوبر بالهجوم عليها من مصر و سوريا فى ان واحد و تهجم هى على مصرو سوريا فى ان واحد و تحتلهم و هذا ما ادعو الله ان لا يتحقق
انا هعمل نفسي مصدق بس هرد رد صغير جدا
لو حد اداك 200 جنيه وخد منك عينك اوضربك لحد ما اتشليت او خد روحك توافق ؟؟؟؟؟؟؟؟؟؟
خلى بالكم ان العملاء بيدخلوا على الصفحات الكاشفه للحقائق ليهدموها ويقللوا من مصداقيتها ..ودا جزء كبير من المخطط اللى شغال على الفيس والنت ….وللعلم هذه الثوره كل شغلها على النت ومتدربيها اساتذه فى استخدامها……ما سمعتوش كلينتون وهى بتقول ان التكنولوجيا الذكيه هى التى ستقوم بالتغيير ……………وبالنبه اللى بيقولك الست العجوزه كان العسكرى يضربها اقولها شوف نفس الست وهى بتبوس ايد العسكرى لانها كان يحميها من الطوب …اما البنت فهى متعمده من البنت نفسها بلبسها لعبايه مفتوحه على برا فى الشتاء مع العلم حتى لو فى الصيف مافيش بنت لن اقول ست تلبس كده وترمى نفسها كفاقده للوعى ولاحظ ان من يضربها جندى يلبس كوتشى ؟؟ههه كوتشى من دون كل العساكر ؟؟؟وشغل عقلك
ربنا ينصركم وينصر الحق دايما
ربنا يحفظ مصر من البلطجيه الى عايزين يخربوها
الجيش والشرطه هما عمود مصر . ربنا معاكم
كفاية كدب حرام عليكم . انتو مبتتعلموش ؟؟؟
كدبوكوا ح يحرق البلد … و فى الاخرة ح تكدبوا على ربنا برضو ؟؟
ربنا معاكم … واحنا وراكم … ولاعزاء لكارهى البلد
2na masad2a kol kalama 2oltoha w rabna ma3ako w ya2oiko isa 3ala el5aona dol w fi nas katir ma3ako w warako w masd2ako
طيب كده تمام لو كان القصد فض اعتصام مجلس الوزراء فانتوا سمتوهم ثم ضربتوهم بالبلطجيه ثم حرقتوا خيامهم / اما ان تذهبوا للتحرير وتحرقوا الخيام ليــــــــــــــــــــــــه اقول لكم ليه علشان انتوا عبيد للنظام اى نظام مبارك المجلس اى حد وخلاص لازم تستعبدوا لانكم واخدين على كده
ليس دفاعاً عن مجلس العسكريين ولا اتهاماً للمتظاهرين ولكن شكاً في كل منهما وفي أغراضه ودوافعه ولمن لم يشاهم الفيلم العربي خالتي فرنسا .. توجد طائفة يتم استئجارها لعمل ( الجرسة ) الفضيحة والتشهير بأي شخص أو مؤسسة وكله بحسابه … والفتاة قامت بالدور على أكمل وجه وكانت مستعدة بلبس الملابس المناسبة التي يسهل فتحها وبدون ملابس داخلية وبما لايتناسب مع درجة الحرارة في مصر الآن .. إضافة إلى أن تكون سهلة الفتح … لماذا لم يعلق أحد على الجندي الشهم الذي يقوم بتغطيتها بعد أن تعمدت كشف نفسها بعد استفزازها للجنود ….
وهم خير أجناد الأرض لأن الرسول هو الذي قال ذلك وليس أي أحد
لا حول ولا قوة إلا بالله
وإنا لله وإنا إليه راجعون